Біздің мекенжай:Қазақстан, Алматы қ., «Калкаман» ықшамауданы
  • Городская Клиническая Больница №7
  • Городская Клиническая Больница №7

«Науқастың діңдік артериясы зақымданған. Егер артерия 99,9% жабылып қалса, бұл ауыр зақымдану – өлімге әкеледі. Асқыну қаупі де өте жоғары. Мұндай жағдайда әдетте ашық ота жасау керек. Зерттеу нәтижесі бойынша да стент қоюға болады, екі жағдайда да асқыну қаупі бірдей, – дейді Алматы қаласының №7 қалалық ауруханасы интервенциялық хирургия бөлімшесінің меңгерушісі, ота жасаған хирург Сәкен Анартаев.

 

View the embedded image gallery online at:
https://gkb7.kz/kz/klinika-turaly/zhanalyktar#sigProId85e375d0a8

 

 

2024 жылдың 22-23 қаңтарында Алматы қаласының №7 қалалық клиникалық ауруханасының емханасында Ауғанстан ардагерлеріне арналған Ашық есік күні өтті. Күн аясында терапевт, офтальмолог, отоларинголог, эндокринолог, психолог, әлеуметтік қызметкер мамандарының қатысуымен, интернационалист-жауынгерлерге профилактикалық тексерулер жүргізілді.
 
Сонымен қатар, интернационалист-жауынгерлерге үй жағдайында мамандарды тарта отырып, қандағы қант пен холестеринді, гипертонияны, ЭКГ-ны өлшеп, профилактикалық тексерулер жүргізілді.
Алматы қаласының № 7 қалалық клиникалық ауруханасының базасында «Тізе буынын ауыстырудың заманауи аспектілері» тақырыбында ортопед-травматологтардың жетекші мамандарының және шақырылған шетелдік әріптестерінің қатысуымен бірлескен шеберлік сағаты өткізілді.
Шеберлік сағаты аясында жетекші ғылыми қызметкер, РФ Денсаулық сақтау министрлігінің Я.Л. Цивьян атындағы «Новосибирск Травматология және ортопедия ғылыми-зерттеу институты» Федералды мемлекеттік бюджеттік мекемесінің № 3 травматологиялық-ортопедиялық бөлімшесінің меңгерушісі В.С. Баитовтың қатысуымен оқыту дәрістері өтіп, көрнекі оталар жасалды.
Шеберлік-сағаты барысында дәрігерлер ортопедияның өзекті саласында және тірек-қимыл жүйесінің созылмалы ауруларында, оларды емдеудің заманауи әдістерінде, осы патологияларды диагностикалау саласында пікір алмасып, тәжірибемен бөлісті. Өзекті және проблемалық мәселелер талқыланды, тәжірибеден күрделі клиникалық мысалдар қарастырылды, ауыр науқастарға кеңес берілді.
Демонстрациялық оталар жасалды, оған ең күрделі патологиялары бар пациенттер іріктелді.
Алматы қаласының №7ҚКА жанындағы емханада тіркеудегі тұрғындармен және қызметкерлердің қатысуымен отбасылық-тұрмыстық зорлық-зомбылық тақырыбында семинар-тренинг өткізілді.
Семинар барысында қазіргі қоғамның дертіне айналған отбасылық-тұрмыстық зорлық-зомбылық мәселесі көтерілді, бүгінде бұл тақырып өте өзекті. Қазіргі уақытта қоғамның қарыштап дамуына қарамастан отбасылық- тұрмыстық зорлық-зомбылық өкінішке орай тыйылар емес. Тұрмыстық зорлық-зомбылықтың алдын алу (болдырмау) бойынша ұсынымдар беру арқылы қоғамдағы маңызды әлеуметтік проблемалар талқыланды.
Сөз сөйлеушілердің әрқайсысы осы тақырыпқа қатысты өз пікірлерін ортаға салды.
Пациенттер мамандардың кеңестерін алды. Емхананың әр қабатында ақпараттық кітапшалар мен материалдар орналастырылып, брошюралар таратылып, бейнероликтер көрсетілді. Сонымен қатар, аталған тақырыпқа байланысты тұрғындар арасында ақпараттық-түсіндіру жұмыстары жүргізілді.
 

Республика - ұлттық мереке күніне орай қала мен елдің дамуына айтарлықтай елеулі үлес қосқан бірқатар алматылықтар мемлекеттік наградалармен, сондай-ақ «AMANAТ» партиясының Құрмет грамоталарымен марапатталды.

Денсаулық сақтау саласын дамытуға сіңірген еңбегі үшін Қазақстан Президенті Қасым-Жомарт Тоқаевтың Жарлығымен «Құрмет» орденімен (Қазақстан Республикасының Құрмет ордені) Алматы қалалық № 7 клиникалық ауруханасының консультативтік-диагностикалық зертханасының меңгерушісі Сон Валентина Николаевна марапатталды. Жоғары марапатты Алматы әкімі Е.А.Досаев табыс етті.

Сондай-ақ, «AMANAT» партиясы Алматы қалалық филиалының төрағасы С.В.Канкуровтың Алғыс хатымен Алматы № 7 қалалық клиникалық ауруханасының директоры профессор Рамазанов Манас Ембергенұлы марапатталды.

«AMANAT» партиясы Наурызбай аудандық филиалы төрағасының алғыс хаттары Алматы қаласы № 7ҚКА-ның директорының медициналық бөлім (емхана) жөніндегі орынбасары Ләззат Сайлаубекқызы Жұмаділоваға және сарапшы - Бейбітов Әнуар Бейсебайұлына табысталды.

ҚҰРМЕТТІ ӘРІПТЕСТЕРІМІЗДІ ЕҢБЕК СІҢІРГЕН МАРАПАТТАРЫМЕН ҚҰТТЫҚТАЙМЫЗ