2025 жылдың 22 мамырында №7 ҚКА-ға қарасты емханада дәрігер - эпидемиолог: Әжімұратова Г.Ә. , алдын – алу және ӘПК қызметкерлерінің қатысуымен медицина қызметкерлері арасында кене энцефалитінің алдын алуы бойынша ақпараттық-түсіндіру жұмыстары жүргізіліп, емханада тіркелген науқастарға парақшалар мен брошюралар таратылды.

Кене энцефалиті — бұл вирустық ауру, адамға кене шағуы арқылы жұғады. Ол орталық жүйке жүйесін зақымдайды, яғни ми мен жұлынға әсер етеді. Ауру көбіне көктем-жаз мезгілінде тіркеледі, өйткені дәл осы кезде кенелер белсенді болады.

Жұғу жолдары:

1. Кене шағуы арқылы — басты жолы.

2. Жануар сүтін (әсіресе ешкі сүті) қайнатпай ішу арқылы.

3. Сирек жағдайда — кене теріні тікелей шағамаса да, оны қолмен жанасқанда вирус тері арқылы өтуі мүмкін.

Ауру белгілері:

Әлсіздік, қызу көтерілуі (38–40°C)

Бас ауруы, жүрек айну, құсу

Бұлшық еттер ауыруы

Кей жағдайда естен тану, құрысу

Ауыр түрінде: салдану (паралич), кома

Серуендеулерден (жасыл аймақ бойынша) үйге қайтқаннан кейін киімді жақсылап қағып-сілку және денеде кіріп кеткен кененің бар-жоқ екендігін мұқият қарап шығу қажет.